Ish-deputeti i PD-së, Enkelejd Alibeaj nëpërmjet një deklarate për shtyp, ka komentuar konferencën që pritet të mbaj kryeministri Rama lidhur me vrasjen e 25-vjeçarit, Klodian Rasha.
Sipas tij, kryeministri sot do të dal për shfaqjen e rradhës duke kërkuar kështu t’i largohet përgjegjësisë.
“Pasi mbaroi pazaret në New York, Edi Rama paralajmëroi se sot do na shfaqet në TV për shfaqjen e propagandës së radhës, siç bën gjithmonë për t’i ikur përgjegjësisë. Për 3 ditë me radhë, nga Neë York ku kaloi pushimet, nuk gjeti kohë për t’i shprehur ngushëllime familjes Rasha për ekzekutimin makabër në derë të shtëpisë së djalit të saj.”- tha Alibeaj.
Alibeaj shprehet gjithashtu se asnjë fjalim nuk e justifikon apo e shmang kryeministrin Rama nga përgjegjësia që ka.
“ Asnjë fjalim nuk e justifikon dot Edi Ramën. Asnjë kurban, qoftë dhe Lleshaj, nuk e shpëton dot nga përgjegjësia.”- shtoi ish-deputeti.
Kujtojmë që kreu i qeverisë, Edi Rama sapo është kthyer nga SHBA, ka shkuar për një vizitë ngushëlluese në familjen e të ndjerit Klodian Rasha, i cili u ekzekutua me plumb nga një efektiv i forcave “Shqiponja”. I shoqëuara nga Elisa Spiropali, Rama u ka premtuar familjarëve se drejtësia do të vihet në vend dhe Prokuroria do të zbardhë të gjithë ngjarjen.
Deklaratë:
Pasi mbaroi pazaret në New York, Edi Rama paralajmëroi se sot do na shfaqet në TV për shfaqjen e propagandës së radhës, siç bën gjithmonë për t’i ikur përgjegjësisë.
Për 3 ditë me radhë, nga Neë York ku kaloi pushimet, nuk gjeti kohë për t’i shprehur ngushëllime familjes Rasha për ekzekutimin makabër në derë të shtëpisë së djalit të saj.
Gjatë gjithë këtyre ditëve me urdhër të tij u mundua të manipulojë opinionin publik, duke fshehur të vërtetën.
Kur e pa se nuk ia doli dot, bëri njoftimin se do të mbante fjalim. Jo për vrasjen e Klodianit siç ka ndodhur vërtet, por për vdekjen e tij.
Por shqiptarët e dinë mirë që është Edi Rama frymëzuesi i dhunës, i arrogances dhe i urrejtjes.
Asnjë fjalim nuk e justifikon dot Edi Ramën. Asnjë kurban, qoftë dhe Lleshaj, nuk e shpëton dot nga përgjegjësia.
Pas 7 vitesh dështimesh dhe premtimesh të pambajtura, askush nuk e beson më Edi Ramën. /Opinion.al
