Një 49-vjeçare është arrestuar nga Policia e Tiranës pasi akuzohet për mashtirm.
Autoritetet njoftojnë se pas disa muajsh hetime ka rënë në pranga Adelina Haxhiraj, 49 vjeçe, e dënuar më parë për veprën penale “Mashtrimi.
Haxhiraj u arrestua pas kallëzimeve të bëra nga disa qytetarë të ndryshëm për një shtetase e cila hiqej si investitore duke iu marrë shuma të konsiderushme parash shtetasve të ndryshëm duke ju premtuar klering/ ndërrim apartamente, njësi shërbimi, hekur në funksion të ndërtimeve të pallateve apo paisje me gabina elektrike të tensionit të lartë në funksion të pallateve.
49-vjeçarja, në rolin e investitores iu ka marrë rreth 200 milion lekë të vjetra shtetasve të ndryshëm përmes mashtrimit.
Materialet i kaluan Prokurorisë së Rrethit Gjyqësor Tiranë, për veprat penale “Mashtrimi”,“Falsifikimi i dokumentave”, “Fshehja e të ardhurave” dhe “Mospagimi i taksave dhe tatimeve”. / Opinion.al
