Në një kohë kur Shqipëria po shënon rritje të vazhdueshme të rasteve Covid, Ministrja e Shëndetësisë Ogerta Manstirliu njoftoi përmes një konference hyrjen e testeve të shpejta për kryeqytetin nga dita e hënë.
Ndrkohë ekspertja e shëndetit publik, mjekja Silva Bino tha se testi i shpejtë i antigjenit do të përdoret për të diagnostikuar rastet Covid vetëm në 5 ditët e para të sëmundjes. Në raste të tjera do të vazhdojë të përdoret teksti PCR.
“Testi i antigjenit përdoret vetëm në 5 ditët e para të sëmundjes. Ky test mund të përdoret edhe gjatë surveiancës. Ajo që është e rëndësishme është që testi është specifik, gati 100% , gjë e cila e barazon atë me PCR dhe nuk ka nevojë për përsëritjen e tij. Pra nëse testi është pozitiv, ai është me të vërtetë pozitiv. Na jep rezultate në kohë reale. Përgjigjja merret brenda 30 minutave dhe kjo është një lehtësi e madhe për ti dhënë përgjigje personit, por edhe për të lehtësuar hetimin epidemilogjik në kohë reale. Ky test na lejon të përmirësojmë disa elementë të punës tonë në terren. Po kryhen trajnime në lidhje me testin. Është një test që njihet nga OBSH”, tha Bino gjatë konferencës./Opinion.al
