Personi në foton e mëposhtme është Elidon Basha, 22-vjeçari që humbi jetën mesnatën e kaluar si pasojë e një plage të marrë nga një armë zjarri.
Dyshohet se ai është qëlluar gabimisht nga shoku i tij Klodian Kola, 27-vjeç, me të cilin sipas policisë kishte dalë për gjueti.
Dy të rinjtë ndodheshin në Fushë Bulqizë – Kodër Dane kur ndodhi ngjarja. Elidon Basha nuk ka humbur menjëherë jetën pasi u qëllua me çiften e gjahut. Ai ndërroi jetë rrugës për në spitalin e Tiranës.
Autoritetet njoftojnë se 27-vjeçari është shoqëruar në Komisariat për t’u marrë në pyetje lidhur me ngjarjen.
Gjithashtu policia informon se u gjetën dhe u sekuestruan në cilësinë e provës materiale arma e gjahut, një elektrik dore, motomjeti me të cilin këta shtetas kishin shkuar për gjueti dhe sende të tjera të vlefshme që do t’i shërbejnë zbardhjes së ngjarjes./Opinion.al
