Pasditen e sotme Presidenti Ilir Meta ka marrë pjesë në forumin “Biseda për tranzicionin”, ku ka folur në lidhje me hapat e tij në politikë.
Meta është shprehur se pas ’92 ka tentuar të largohej nga politika dhe se ka dëshiruar të ecte më tej me formimin si ekonomist apo akademik.
Meta zbuloi se burgosja e Faton Nanos i dha atij më shumë fizibilitet dhe i dha mundësi për të qenë më tepër aktiv.
”Më ’93, ishte populli i Skraparit i vetmi që votoi majtas. Më ndihmoi të bëhem më popullor, dhe më pas me burgosjen e Fatos Nanos, u bëra nënkryetar i PS, kjo më dha më shumë fizibilitet, dhe mundësi për të qenë më aktiv. Ajo që dua të bëj me dije, s’kam pasur ndërmend të bëhem politikan apo President. Qëllimi im ishte të ecja më tej me formimin si ekonomist, formimin akademik madje edhe një përpjekje pas ’92, kur u bëra dhe deputeti më i ri, bëra përpjekje për t’u larguar. Dhe kjo ishte kontrata ime me PS pasi nuk pranonte njeri të kandidonte aty. Kisha qëllim të bëja shkollën, por kur hyn në valle s’del dot më. Dhe ja ku jemi.”- tha Meta./ Opinion.al
