Policia e Durrësit ka arrestuar një 21-vjeçar pasi në automjetin e tij u gjetën 3kg lëndë narkotike cannabis sativa.
I riu me inicialet I.D., fillimisht u ndalua nga uniformat blu pasi kishte thyer orën policore, më pas gjatë kontrollit në mjetin tip”Benz” u konstatua një sasi lënde narkotike.
Sipas policisë 21-vjeçari rezulton të jetë person me precedent të mëparshëm kriminal.
“Në vijim të veprimeve, specialistët për Hetimin e Narkotikëve në DVP Durrës arrestuan në flagrancë shtetasin I. D., 21 vjeç, i dënuar në vitin 2018, për veprën penale “Armëmbajtje pa leje”, njofton policia.
Materialet i kaluan Prokurorisë së Rrethit Gjyqësor Durrës, për veprën penale “Prodhimi dhe shitja e narkotikëve”./ Opinion.al
