Partia Demokratike ka akuzuar përsëri qeverinë dhe kryebashkiakun e Tiranës Erion Veliaj se gënjyen kur deklaruan që shkolla “Sami Frashëri” do të ndërtohet me fondet e Bashkimit Europian.
Ish-deputetja, Jorida Tabaku shprehet se shkolla “Sami Frashëri” u prish me procedura të fshehta dhe ende të pashpallura.
Tabaku thotë se kostoja e ndërtimit të shkollës shkon në 4.5 milionë euro, një vlerë gati 8 herë më e lartë se sa shkollat e ngjashme që ndërton BE.
“I pacipë dhe duke gënjyer ditën për diell, Erion Veliaj vazhdoi të flasë për këto fonde, edhe kur faktet flisnin kundër tij dhe pohimeve të tij. Së fundi, mbërriti deri aty sa të censurojë Delegacionin e Bashkimit Europian, i cili sqaroi publikisht se fondet për “Sami Frashërin” nuk janë nga fondet e rindërtimit të BE-së. Fare pak media e transmetuan deklaratën e Delegacionit të Bashkimit Europian, sepse pjesa më e madhe e tyre u bllokuan nga Erjon Veliaj dhe të tijtë. Prandaj, ne e kemi të qartë që media e shantazhuar, e frikësuar apo edhe blerë, ka zgjedhur të censurojë këtë deklaratë. Kjo deklaratë përgënjeshtroi Erion Veliajn dhe Arben Ahmetajn dhe për të disatën herë i shpalli Mashtrues dhe Gënjeshtar.Njeriun që gënjeu për fondet me të cilat do të rindërtohej shkolla “Sami Frashëri” që u prish në mënyrë të beftë dhe me procedura të fshehta dhe ende të pashpallura. Arsyet pas kësaj gënjeshtre dhe pas kërcënimeve dhe blerjeve që e vërteta të mos dalë në shesh, janë disa. Erion Veliaj gënjeu publikun për fondet e ndërtimit të shkollës “Sami Frashëri” që u prish në mënyrë të beftë dhe me procedura të fshehta dhe ende të pashpallura, është ai që ka kërkuar që ky informacion të mos jetë publik për qytetarët e Tiranës. Erjon Veliaj gënjeu për fondet e rindërtimit të shkollës pasi plani i tij dhe i qeverisë shqiptare ishte që t’i frynin kostot e shkollës. Sipas tabelës së publikuar nga Bashkia Tiranë kosto e shkollës shkon në 4.5 milionë euro, një vlerë gati 8 herë më e lartë se sa shkollat e ngjashme që ndërton BE”,- shtoi Tabaku./ Opinion.al
