Ish- deputetja e PD -së Jorida Tabaku denoncon sërish rastin e shkollës ‘’Sami Frashëri”, duke theksuar se ky gjimnaz është prishur pa patur një projekt për rindërtimin e tij.
Në një postim në “Facebook”, ish-deputetja e Partisë Demokratike, pyet kryeministrin Rama pëse kosto e shkollave të ndërtuara nga qeveria është 4.5 milionë euro ndësa e atyre të financuara nga BE, 700 mijë euro.
Sipas Tabakut ndërtimi i shkollës “Sami Frashëri” nuk do të bëhet me fondet e BE siç ka deklaruar kryetari i bashkisë së Tiranës, Erion Veliaj dhe ministri Ahmetaj, por me lekët e taksapaguesve.
Ajo ka publikuar një video të gjendjes së punimeve në këtë gjimnaz dhe shton se aty po mbulohet një aferë korruptive.
Postimi i plotë:
Sado i zoti, genjeshtari se fiton dot kurrë betejën me të vërtetën. Edi Rama dhe cirku i tij i rindërtimit nuk e fshehin dot dështimin dhe korrupsionin që fshihet pas shembjes së gjimnazit Sami Frashëri. Nuk ka videomontazh manipulues apo projekt 3D që të mbulojë gënjeshtrat. Gjimnazi Sami Frashëri është prishur pa patur projekt për ndërtimin e tij dhe ndërtimi i tij nuk do të bëhet me fondet e BE por me lekët e taksapaguesve. Le të gjejë kohën montazhieri kryeminister dhe t’i përgjigjet këtyre pyetjeve:
- A u rehabilitua Sami Frasheri pak muaj para se te prishej dhe Veliaj tha qe rron me vite?
- Me çfarë fondesh po ndërtohet Sami Frashëri? Veliaj dhe Ahmetaj thanë me fonde të BE, ndërkohë që BE thotë që nuk po ndërton asnjë shkollë në Tiranë me fondet e saj.
- A është shpallur në buletinin e datës 27 Mars projektimi i ndërtimit të shkollës Sami Frashëri dhe anulluar me datë 21 Prill? Pra kur u prish me datë 24 Prill nuk kishte një projekt?
- Ku është procedura e përfunduar e tenderit për shkollën Sami Frashëri pse nuk është bërë publike?
- Pse shkollat e Ramës dhe Veliaj janë me kosto 4,5mln euro dhe të BE 700 000 euro?
Kush dhe përse gënjen kaq hapur qytetarët kuptohet që ka për të mbuluar një aferë edhe më të korruptuar!
