Dy persona janë arrestuar nga Policia Kufitare në Rinas pasi tentuan të korruptonin punonjësit e Policisë me qëllim lejimin për të udhëtuar drejt vendeve të BE-së edhe pse nuk kishin dokumentacion të rregullt.
Mësohet se në pranga kanë rënë A. M., 41 vjeç, banues në Tiranë dhe Q. M., 56 vjeç, banues në Divjakë.
Shtetasi A.M. i ka ofruar punonjësit të Policisë Kufitare 50 euro, ndërsa disa orë më vonë shtetasi Q. M., i cili donte të udhëtonte bashkë me bashkëshorten, i ka ofruar punonjësit të Policisë Kufitare 100 euro, me qëllim lejimin e kalimit.
Tashmë mbi dy të arrestuarit rëndon akuza “Korrupsioni aktiv i personave që ushtrojnë funksione publike”./ Opinion.al
