Ministri i Jashtëm grek, Nikos Dendias pritet të vizitojë nesër Tiranën. Me këtë rast, Partia, Drejtësi, Integrim dhe Unitet dhe shoqata patriotike “Çamëria” kanë paralajmëruar protestë para ministrisë së Jashtme.
LEXO EDHE: Zgjerimi në detin Jon, ministri i Jashtëm grek mbërrin nesër në Tiranë
Në një deklaratë publike ata u bëjnë thirrje shqiptarëve tu bashkohen në orën 11:00 përpara ministrisë së Jashtme në një tubim paqësor në përgjigje të vizitës së ministrit Dendias, i cili sipas tyre nuk ka në axhendën e tij asnjë nga çështjet që u interesojnë shqiptarëve.
Përmes tubimit, PDIU kërkon që qeveria të marrë parasysh zgjidhjen e çështjes çame, heqjen e ligjit të luftës me greqinë dhe marrëveshjen e detit. Sipas tyrë këto janë çështje të shprehura dhe nga ish-komisioneri europian për integrimin, Johanes Hahn.
“Kufijtë tokësorë dhe detarë të Shqipërisë janë të njohura që në 1913, 1925, 1926-n dhe askush nuk mund të fali det apo tokë, kushdo që i thotë vetes patriotë. Problemet me Greqinë zgjidhen vetëm me dinjitet, reciprocitet dhe dije. Shqipëria nuk ka më as det, as tokë për të falur.”, shkruhet në deklaratën e PDIU. /Opinion.al
