Turqia ka deklaruar zbulimin e 85 miliardë metër kub gaz në Detin e Zi.
Ka qenë vetë presidenti turk, Rexhep Tajip Erdogan, i cili u shpreh se mjetet kërkuese turke kanë arritur në 4775 metër thellësi dhe se me këtë sasi gazi të zbuluar rezervat e Turqisë arrijnë në 405 miliardë metër kub gaz.
“Anija jonë vazhdoi të operojë pas zbulimit të fushës së parë të gazit. Gjatë studimeve të reja, u zbuluan edhe 85 miliardë metra kub gaz. Vëllimi i përgjithshëm tani është 405 miliardë metra kub“, tha ai.
Kujtojmë se anijet turke të kërkimit u vendosën këtë verë edhe në Mesdhe, ku hasën konflikte me autoritetet greke.
Disa muaj më parë, Ministri turk i Energjisë dhe Burimeve Natyrore, Fatih Donmez tregoi se autoritetet turke mund të kërkojnë një tender ndërkombëtar për të ndërtuar një tubacion gazi për të transportuar gaz në bregdet./Opinion.al
[VIDEO] #Erdogan announces more gas reserves find in #BlackSea https://t.co/Kpl6cWU16J pic.twitter.com/1Uy0TAez8W
— ANADOLU AGENCY (ENG) (@anadoluagency) October 17, 2020
