Prej dy ditësh Rusia po shënon rekord të rasteve pozitive me COVID-19. Autoritetet shëndetësore raportojnë se në 24 orët e fundit u regjistruan 14,231 raste pozitivë me COVID-19, numër rekord që na fillimi i pandemisë.
Ndërsa humbën betejën me koronavirusin 239 persona duke çuar numrin e përgjithshëm të vdekjeve të Rusisë në 23,205.
Ndërkohë, në Moskë shkollat vijojnë mësimin online , masë e marrë për të parandaluar përhapjen e infeksionit. Rritje më e madhe e numrit të rasteve pozitivë u identifikua në Moskë, ku u regjistruan 4573 teste të reja pozitive.
Gjithashtu, autoritetet raportuan se 25,2% e personave të infektuar nuk shfaqin simptoma klinike. Edhe pse shifrat janë të larta autoritetet thanë se nuk do të ketë një karantinë të dytë./ Opinion.al
