Kryeministri Edi Rama në një prononcim për mediat pas mbledhjes me drejtuesit e qarqeve është shprehur se pas vlerësimit që do të bëhet nga anëtarësia për deputetët e zonave do të ketë vlerësim edhe për ministrat.
Ai u shpreh se janë në një proces ndërveprimi me anëtarësinë lidhur me listat që do të caktojnë deputetët e ardhshëm të Partisë Socialiste në parlament.
Rama:
Diskutojmë për gjendjen në të gjitha aspektet në çdo komunitet, jemi në procesin e një ndërveprimi të ri me anëtarësinë që ka filluar të marrë kodet digjitale për të dhënë vlerësimin për deputetët e qarqeve.
Pas disa ditësh do të dalë edhe kërkesa për vlerësim për ministrat që do të jetë edhe përtej anëtarësisë.
Ndërkohë po përgatisim edhe hapin e tretë që është ftesa për të konsideruar shprehje interesi për të përfaqësuar komunitetin në parlament.
