Qeveritë e Shqipërisë dhe Kosovës do të zhvillojnë sot mbledhjen e përbashkët të tyre, e cila ishte parashikuar të zhvillohej më 25 shtator.
Takimi do të zhvillohet në Pallatin e Kongreseve në Tiranë dhe pritet të nisë rreth orës 11:30.
Më pas parashikohet të nënshkruhen 3 marrëveshje të paralajmëruara nga zëvendëskryeministrja e Kosovës.
Albulena Balaj-Halimaj është shprehur për mediat kosovare se bëhet fjalë për Doganën në Durrës, linjën hekurudhore dhe Hidrocentralin që do të ndërtohet në republikën e Shqipërisë për Kosovën.
Më pas dy kryeministrat, Edi Rama dhe Avdullah Hoti pritet të mbajnë një konferenë për shtyp.
Axhenda e mbledhjes së dy qeverive të Shqipërisë dhe Kosovës:
Tiranë, 2 tetor 2020
11.00– Mbërritja e delegacionit të Republikës së Kosovës përpara Pallatit të Kongreseve
11.15 – Mbërritja e Avdullah Hotit
11.30– Çelja e sesionit plenar të mbledhjes së dy Qeverive Shqipëri-Kosovë
Fjalë e Edi Ramës, Kryeministër i Shqipërisë
Fjalë e Avdullah Hotit, Kryeministër i Republikës së Kosovës
Fjalë të shkurtra nga anëtarë të dy kabineteve për të parashtruar çështjet kryesore dhe marrëveshjet për nënshkrim
Edi Rama, Kryeministër i Shqipërisë përmbyll sesionin plenar
12.45 – Ceremonia e nënshkrimit të marrëveshjeve ndërqeveritare
13.00– Konferencë e përbashkët për shtyp e dy Kryeministrave
13.30 – Foto e përbashkët./ Opinion.al
