Uragani Sally goditi brigjet e Alabamës dhe Florida duke shkulur pemë, përmbytur rrugë, dëmtuar ura dhe duke lënë qindra mijëra shtëpi pa energji elektrike, përgjatë zonës juglindore të Shteteve të Bashkuara.
Qendra Kombëtare për Uragane ka thënë se disa pjesë jugore të Shteteve të Bashkuara janë përballur me shira të rrëmbyeshëm dhe stuhi të mëdha në 24 orët e fundit, duke shkaktuar vërshime “historike dhe katastrofike”, ndërkohë që priten vërshime tjera.
Guvernatori i Alabamës iu bëri thirrje qytetarëve të mos dalin jashtë banesave për të kontrolluar dëmet, përjashto rastet ekstreme, pasi mund të rrezikohen në çdo çast nga rrëzimi i pemëve.
Erërat që lëvizin deri në 160 km për orë kanë shkaktuar dëme materiale që mund të kapin vlerën deri 3 miliardë dollarëve dhe kjo shifër mund të shtohet nëse shirat vazhdojnë.
Uragani Sally është i 18-i që prek këtë vit vendet buzë Atlantikut dhe e 7-a stuhi tropikale që godet Shtetet e Bashkuara.
Sipas hulumtuesve të Administratës amerikane për Çështje Atmosferike dhe Oqeane, intensiteti i uraganeve dhe shkalla e shkatërrimit të tyre është rritur prej viteve 1980, pasi temperaturat janë rritur./Opinion.al
