OBSH paralajmëron se Europa do të ketë rritje të viktimave nga koronavirusi gjatë muajve tetor dhe nëntor.
“Situata do të bëhet edhe më e vështirë. Në muajt tetor dhe nëntor do të shohim një nivel më të lartë vdekshmërie”, deklaroi Hans Kluge, drejtor i OBSH për Europën.
Zyrtari i lartë, po ashtu u shpreh se fundi i pandemisë nuk do të vijë me krijimin e vaksinës. “Është e sigurt që jo”, tha Kluge.
Eksperti shtoi se nuk ka siguri nëse vaksina do të jetë efikase për të gjithë popullsinë, duke theksuar se ka sinjale se vaksina do të bëjë efekt për grupe të caktuara e jo për të tjera.
Sakaq, OBSH-ja ka shënuar rekord ditor të rasteve të reja me koronavirus, teksa në të gjithë botën janë regjistruar 307,930 persona të prekur nga COVID-19. Kjo nënkupton se në 24 orët e fundit OBSH-ja ka regjistruar rreth 1,000 raste më shumë sesa një javë më parë./Opinion.al
