Komisioni Shtetëror i Zgjedhjeve në Malin e Zi ka shpallur rezultatet përfundimtare të zgjedhjeve të 30 gushtit.
Në bazë të rezultateve, Partia Demokratike e Socialistëve, e presidentit Millo Gjukanoviç, ka fituar 30 vende në parlamentin e ri, koalicioni “Për Ardhmërinë e Malit të Zi”, 27 deputetë, koalicioni, “Paqja është kombi ynë”- 10 dhe koalicioni “E zeza në të bardhë” katër vende.
Partia Boshnjake dhe Social-Demokratët fituan nga tri vende secila, Partia Socialdemokrate dy, dhe një vend në parlament ka fituar: Lista Shqiptare “Nik Gjeloshaj-Genci Nimanbegu” dhe koalicioni “Bashkë një za”.
Pas shpalljes së rezultateve përfundimtare, brenda 15 ditëve, kryetari i përbërjes së vjetër të parlamentit, Ivan Brajoviç, do thërrasë seancën e parë të përbërjes së re të Parlamentit të Malit të Zi.
Presidenti i Malit të Zi, Millo Gjukanoviç, propozon emrin e kryeministrit të ri në afat prej 30 ditësh që nga konstituimi i parlamentit.
Zgjedhjet në Mal të Zi u mbajtën më 30 gusht. Për herë të parë pas tri dekadash, Partia Demokratike e Socialistëve e presidentit Millo Gjukanoviç ka humbur shumicën në parlament. Zgjedhjet u fituan nga partitë opozitare që konsiderohen si pro-serbe dhe pro-ruse./Opinion.al
