Në fjalën e tij në nisjen e sesionit të ri parlamentar, kryeministri Rama tregoi se dy janë pikat kyçe që Kuvendi duhet të arrijë konsensus sa më shpejtë. Sipas tij, ato janë: hapja e listave dhe përcaktimi në kodin zgjedhor të mekanizmit të koalicioneve parazgjedhore si një subjekt zgjedhor.
Nga foltorja e Kuvendit, kryeministri tha se nëse gjendjet një mekanizëm i besueshëm që siguron ruajtjen e ekuilibrit gjinor dhe hapjes 100 % të listave atëherë do kenë dhe votën e mazhorancës, në të kundërt nuk ka për të ndodhur pas nuk do të rrezikojë me hapjen e listave humbjen e përfaqësimit gjinor në parlament.
“Në kodin zgjedhor nuk ka kohë për të humbur dhe duhet të punojmë intensivisht me të gjithë fuqitë dhe ekspertët në dispozicion për të garantuar zbatimin e ndryshimeve të bëra bashkërisht. Nga njëra anë për ,mekanizmin e listave të hapura ku na duhet të diskutojmë dhe të gjejmë rrugën e duhur me një konsensus të plotë edhe me opozitën jashtë parlamenti por nga ana tjetër detyrimisht një orë e më parë nuk mund të jetë një proces i tejzgjatur në emër të konsensusit 100 % . Do të kërkojmë një konsensus 100 % për një proces të shpejtë.
Për të vendosur në kodin zgjedhore mekanizmin e koalicioneve parazgjedhore si një subjekt zgjedhor. Këto janë pikat kyce që duhen adresuar. Ne kemi problemin e garantimit të ekuilibrit gjinor me hapjen e listave. Nëse kemi një mekanizëm të besueshëm për ne nuk ka problem hapja 100 % nëse nuk ka një mekanizëm të besueshëm mos prisni nga të hapim listat 100 % që nuk garantojnë ekuilibrin gjinor. Lista të hapura që e kthejnë kuvendin pas ku për të gjetur një grua mes 50 burrave nuk çojnë asgjëkundi”, tha Rama.
