Policia ka identifikuar autorin e dyshuar të vrasjes që ndodhi në Shkodër këtë mbrëmje. Sipas informacioneve të para, ai është shok i viktimës dhe është identifikuar se është S. Smakaj.
Policia është në kërkim të autorit,që derdhi një breshëri plumbash ndaj 23-vjeçarit Gledis Kraja.
Sipas informacioneve të deritanishme, Kraja (ne foto) ka qenë futbollist tek ekipi “Vllaznimi” në vitin 2013.
I riu ka qenë duke lëvizur me makinën e shokut të tij në momentin që është ekzekutuar me armë.
“Rreth orës 21:55, në lagjen Daniel Matlija, pranë një marketi, Shkodër, në rrethana ende të paqarta është plagosur me armë zjarri armë zjarri, shtetasi G.K, 23 vjec banues në lagjen Perash, Shkodër, i cili sapo ka ndërruar jetë në Spitalin Rajonal Shkodër. Në vendngjarje ndodhen shërbimet e policisë, dhe grupi hetimor i cili po punon për sqarimin e rrethanave të kësaj ngjarje. Forcat e Policisë të DVP Shkodër dhe të FNSh kanë rrethuar zonën dhe vijon kontrolli për kapjen e autorit”, njoftoi Policia./Opinion.al
