Një palë atlete Nike u shitën në ankand për shifrën e çmendur të 615 mijë dollarëve, duke thyer rekordin si këpucët sportive më të shtrenjta të shitura ndonjëherë.
Arsyeja që fshihet pas çmimit marramendës, është fakti se ato janë veshur nga legjenda e basketbollit, Michael Jordan.
Atletet “Nike Air Jordan 1 High” janë përdorur prej yllit të basketbollit gjatë një ndeshjeje ekzibicioni në Trieste të Italisë në vitin 1985, sipas shtëpisë së ankandeve “Christie”.
Atletet ishin pjesë e disa objekteve që i përkisnin Jordan-it, të cilat në total, u shitën të gjitha në ankand për 931 875 dollarë, përgjatë dy javëve. Atletet kanë edhe një veçanti, në gomën e njërës prej tyre ndodhet një copë xhami, e mbetur aty kur Jordan theu tabelën pas një zhytjeje në atë takim.
