Numri i të prekurve nga koronavirusi në botë ka kaluar 20 milionë, më shumë se gjysma e tyre në SHBA, Indi dhe Brazil.
Megjithatë zyrtarët e shëndetit besojnë se shifrat janë shumë më të larta nga sa raportohen prej Johns Hopkins University, pasi rreth 40% e të infektuarve janë pa simptoma.
Koronavirusit iu deshën 6 muaj për të prekur 10 milionë persona, që prej fillimit të tij në Kinë fundvitin e shkuar. Por kanë mjaftuar vetëm 6 javë, që ky numër të dyfishohej. Një analizë e AP e datës 9 gusht, veren se 2/3 e infektimeve të raportuara që nga momenti kur në botë shifra arriti në 15 milionë persona të prekur më 22 Korrik, jane ne SHBA, Indi dhe Brazil.
Në 45 ditë, me dyfishimin e të prekurve në 20 milionë, numri i viktimave arriti në 736,191 nga 499,506, që ishte më parë. Kjo shtesë prej 236,685 vdekjesh, do të thotë ndryshe, 5,200 viktima në ditë./Opinion.al
