Ekziston një “diferencë e madhe globale”, në mes të fondeve që duhen për luftim të koronavirusit, dhe fondeve që janë ndarë për këtë çështje, ka thënë shefi i Organizatës Botërore të Shëndetësisë, Tedros Adhanom Ghebreyesus.
“Tre muajt e ardhshëm paraqesin një dritare tejet të rëndësishme të mundësisë për të rritur ndikimin e Iniciativës ‘Mjetet për qasje ndaj COVID-19. Megjithatë, për ta shfrytëzuar këtë mundësi, ne na duhet t’i rrisim fondet dhe të kthejmë në prioritetet përdorimin e mjeteve të reja.”, ka thënë Tedros në një konferencë për media në Gjenevë.
Ai ka shtuar se OBSH-ja ka vetëm, 10 për qind të fondeve që nevojiten.
“Vetëm për vaksinë nevojiten më shumë se 100 miliardë dollarë. Kjo është shumë e madhe dhe në fakt është. Mirëpo është shumë e vogël në krahasim me 10 trilionë dollarë që investuan shtetet e G20-ës, si stimuj për t’u përballur me pasojat e pandemisë deri më tani”, ka shtuar ai, duke iu referuar grupit të 20 vendeve më të industrializuara.
Megjithatë ai ka thënë se ekziston shpresë në gjithë këtë situatë.
“Nuk është kurrë vonë për ta mposhtur pandeminë. Mesazhi është për ta “shtypur, shtypur, shtypur”, ka thënë ai./Opinion.al
