Koronavirusi vijon të përhapet në të gjithë botën duke shkaktuar viktima dhe dëme të mëdha ekonomike.
Mësohet se është rritur numri i viktimave në Brazil, ku deri më tani kanë humur jetën dhe 99.572 viktima. Në 24 orët e fundit në këtë ështët janë raportuar 50.230 raste të reja me COVID-19 dhe 1.079 viktima. Numri i të infektuarve në Brazil ka shkuar në 2.962.442.
Nga ana tjetër, Meksika raportoi mbi 50 mijë vdekje nga koronavirusi. Sipas Universiteti John Hopkins, viktimat nga koronavirusi në Amerikën Latine arritën në 214 mijë, me Brazilin dhe Meksikën që përbëjnë 70 për qind të viktimave në Amerikën Latine dhe Karaibe.
Një ditë pasi Departmenti Amerikan i Shtetit u bëri thirrje amerikanëve të mos udhëtojnë në jug të kufirit, presidenti meksikan, Andres Manuel Lopez Obrador, tha se SHBA ka regjistruar më shumë raste nga koronavirusi sesa Meksika.
Kur Lopez Obrador u pyet për pezullimin e udhëtimeve, ai tha se situata në SHBA është më e rëndë sesa në Meksikë.
“Ne kemi më pak probleme me pandeminë sesa problemet me të cilat ata fatkeqësisht po përballen. Situata jonë është më e mirë dhe na vjen keq sepse ata na kanë ndihmuar. Donald Trump na dërgoi pajisje, na dërgoi ventilatorë dhe marrëdhënia që kemi është shumë e mirë”, tha Lopez Obrador./ Opinion.al
