Inspektori i Lartë i Drejtësisë ka kërkuar shkarkimin nga detyra të gjyqtarit Markelian Kuqo. ILD ka miratuar 6 vendime për fillim të hetimit disiplinor ndaj gjyqtarit.
Hetimi disiplinor ndaj tij lidhet me lirimin nga burgu të një të burgosuri më dënim të përjetshëm.
Shkak ishte bërë vendimi gjyqësor i marrë nga gjyqtari Kuqo për lirimin me kusht të shtetasit Gert Gjinari, i dënuar me burgim të përjetshëm.
Masa disiplinore
Burime të Panorama.al bëjnë të ditur se Inspektorati i Lartë i Drejtësisë ka rekomanduar pranë KLP ndëshkimin e me masë disiplinore dhe prokuroren e Tiranës, Elina Kombi.
Për këtë të fundit mësohet se ILD ka rekomanduar “masën e vërejtjes”, pasi akuzohet se ka neglizhuar çështjen e shtetasit Bilbil Hasani, i cili vuante nga probleme të shëndetit mendor, por është lënë në qelitë e paraburgimit nga ku dhe kreu aktin e vetëvrasjes. Bilbil Hasani u akuzua për vjedhjen të vogël parash, por ai vuante nga skizofrenia dhe më herët ishte vendosur masa e shtrimit në “Spitalin Psikiatrik”.
Hetimi ndaj prokurorëve
Inspektorati i Lartë i Drejtësisë ka bërë të ditur se ka nisur hetimin ndaj dy prokurorëve të Krujës, të cilat kërkuan lirimin nga burgimi i dy personave të njohur të botës së krimit, Endrit Doklen dhe Hekuran Billën, i cili u ekzekutua rreth një muaj më parë në Zonën e Komunës së Parisit në Tiranë.
Burime të Panorama.al bëjnë me dije se ILD bën të ditur se ka nisur hetimin për prokuroren e Krujës, Enkelejda Hoxha dhe ndaj prokurorit Bujar Memia.
Të dy prokurorët e Krujës kanë shqyrtuar çështjet e Endrit Dokles dhe Hekuran Billës.
“Vendimi nr. 1752 prot., datë 16.07. 2020 “Për fillimin e hetimit disiplinor ndaj prokurorit B.M”; Ø Vendimi nr. 705/12 prot., datë 17.07.2020 “Për pezullim hetimi disiplinor ndaj gjyqtares E.H””, thuhet dhenë raportin e ILD
KUSH ËSHTË MARKELIAN KUQO
GJYQTAR Markelian Kuqo ka lindur ne 04.03.1972 ne qytetin e Korces. Ne vitet 1990 – 1994 kryen studimet ne Fakultetin e Drejtesise, Universiteti i Tiranes, ku ne perfundim diplomohet me titullin “Jurist”. Ne vitin 1995 emerohet gjyqtar prane Gjykates se Rrethit Gjyqesor Korce, detyre te cilen e ushtron dhe aktualisht.
Gjyqtari Markelian Kuqo ka marre pjese ne trajnime te organizuara nga Shkolla e Magjistratures si dhe organizma te tjera vendase dhe te huaja, si brenda ashtu dhe jashte vendit.
Detyra: Gjyqtar
Seksioni: Civil & Penal per Mitur
Datelindja: 04.03.1972
Vendlindja: Korçë
