Rudina Hajdari, përfaqësuese e opozitës parlamentare në Këshillin Politik, u shpreh se tashmë listat e hapura janë realitet, pasi të tre palët janë pro tyre.
“Listat e hapura janë zgjidhja më e mirë për të forcuar demokracinë në këtë vend. Kemi dy vite me radhë që tentojmë të bindim opozitën jashtë parlamentare dhe maxhorancën.
Tani kemi tre palët që janë për listat e hapura. Ne jemi dakord për listat e hapura 100%, për sa i përket propozimeve të tjera do konsultohem me opozitën parlamentare. Më në fund erdhi tek qëndrimi ynë dhe Partia Demokratike dhe u bashkua në këtë kauzë. Të shohim si do ecim përpara, jam e lumtur për këtë ditë. Nuk debatova”, tha ajo./Opinion.al
