Nënkryetari i Partisë Demokratike Edi Paloka, ka reaguar pas ftesës së kryeministrit Edi Rama ndaj opozitës jashtë parlamentare për të mos bojkotuar mbledhjen e sotme të Këshillit Politik që do të mbahet në orën 17:00.
Numri dy i PD shkruan se Rama bëri marrëveshje me veten, duke iu referuar marrëveshjes së një dite më parë mes maxhorancës dhe opozitës parlamentare.
“Rama beri mbreme marreveshje me veten: Me 23 korrik do votoje marreveshjen e 5 qershorit dhe me 30 korrik do votoje rrezimin e saj”, shkruan Paloka.
Mbrëmë në takimin e tretë maxhoranca dhe opozita në Kuvend firmosën një marrëveshje sipas të cilës, grupi opozitar do të votonte pro “5 qershorit” më 23 korrik dhe më 30 korrik do të votoheshin ndryshimet kushtetuese.
Megjithatë në fund të takimit, përfaqësuesi i opozitës parlamentare Myslym Murrizi tha se ai nuk do ta votojë marrëveshjen e 5 Qershorit. /Opinion.al
