Sekretari i Përgjithshëm i Kombeve të Bashkuara, Antonio Guterres ka paralajmëruar se bota është në një “udhëkryq kritik”. Ai po asht bëri thirrje për një model të ri në qeverisjen globale
“COVID-19 është krahasuar me rrezet X, që shfaqin skeletin e brishtë të shoqërive që kemi ndërtuar”, tha sekretari Guterres.
“Po ekspozon gabimet dhe gënjeshtrat kudo në botë: Gënjeshtra se tregjet e lira mund të ofrojnë kujdes shëndetësor për të gjithë, mashtrimin se jetojmë në një botë post-raciste, miti se të gjithë jemi në të njëjtën anije”, shtoi ai.
Sipas shefit të OKB-së, nxitësit kryesorë të pabarazisë janë racizmi sistematik, patriarkaliteti, boshllëqet në qasjen në teknologji dhe pabarazitë në qeverisjen globale.
Ai tha se bota ka nevojë për politika të reja të mbrojtjes sociale, ku do të përfshihej edhe kujdesi shëndetësor dhe mundësia që të ketë barazi globale, sa i përket të ardhurave personale.
Sakaq, koronavirusi ka infektuar më shumë se 14 milionë njerëz në mbarë botën, teksa 600 mijë të tjerë kanë humbur jetën./Opinion.al
