Në Tiranë është përurur paraditen e së enjtes një memorial në përkujtim të viktimave të holokaustit. Të pranishëm në aktivitet kanë qenë edhe Ambasadorja Amerikane Yuri Kim, Kryebashkiaku Veliaj dhe Kryeministri Rama.
Duke kujtuar veprimtarinë e qytetarëve shqiptarë që mbështetën hebrenjtë gjatë Luftës së Dytë Botërore, Rama shprehuo vetëm keqardhje, por e cilësoi një njollë në në ndërgjegjen e Hollivudit që nuk ka sjellë produksione me këtë tematikë.
“Dua të them me bindje që Shqipëria me episode, personazhet, momentet epike të përpjekjes së njerëzve të drejtë, mbetet një njollë në ndërgjegjen e Hollivudit, që ka prodhuar disa kryevepra lidhur me këtë epokë, por që me siguri do të kishte prodhuar shumë më tepër kryevepra edhe më të pabesueshme, nëse do të ishte referuar ndaj episodeve të shpëtimit të hebrejve në Shqipëri”, tha Rama.
Ai solli disa nga historitë e familjeve shqiptare, që sakrifkuan në mbrojtje të qytetarëve hebre të ardhur në Shqipëri.
“Janë realitet nga më të mahnitshmet që nga udhëtimi me kuaj i një familjeje e cila për 24 orë transportoi 17 hebrenj, familja Biçaku, në momentet e ndërrimit të pushtuesve, pas kapitullimit të Italisë fashiste dhe okupimit nga Gjermania naziste. Apo familjes Myrto në Kavajë, që deri në fund i qëndroi besnik mikut hebre që kishte marrë në mbroijtje duke sakrifikuar njërin prej familjarëve, vëllain e mikpritësit që u mor në kampin e Mathauzenit dhe nuk u kthye më prej andej.
Pra jeta e vëllait nga gjaku, u bë kurban për të mbrojtur e shpëtuar një vëllai nga zoti me të cilin lidhja ishte thjesht që të dy ishin krijuar si njerëz. Apo familja e Nuro Hixhës, një tjetër shumë mahnitëse që i dha strehim katër familjeve herbrenje, njëra që deshmon se në momentin e hapjes së derës dëgjoi nga i zoti i shtëpi fjalët e pabesueshme, por të konfirmuara më pas nga realiteti i mbrotjes dhe shpëtimit, rrini të qetë asgjë nuk do të ndodhë, nga sot jemi një familje, unë dhe im bir do të përgjigjemi me jetë për ju”- tha Rama./Opinion.al
