Një skulpturë prej druri e zonjës së parë të SHBA, Melania Trump, pranë qytetit të saj të lindjes Sevnica, Slloveni, është hequr pasi u dogj dhe vandalizua gjatë fundjavës së ditës së pavarësisë në SHBA.
Brad Downey, një artist amerikan me qendër në Berlin, që kishte porositur skulpturën, tha se ai e kishte hequr atë sapo policia e njoftoi për ngjarjen më 5 korrik.
“Unë dua të di pse e bënë,” tha Downey, i cili kishte shpresuar se statuja do të nxiste një dialog për situatën politike në Shtetet e Bashkuara, duke theksuar statusin e Melania Trump si një emigrante e martuar me një president që është betuar për të zvogëluar emigracionin.
Statue of Melania Trump torched in her native Slovenia https://t.co/8cm3YoRZb8 pic.twitter.com/MDhGsR4sZ6
— New York Post (@nypost) July 8, 2020
Fytyra e statujës ishte e gdhendur në mënyrë disi abstrakte duke mos pasqyruar portretin e Melania Trump. Megjithatë trupi i ishte pikturuar si i mbështjellë me një pallto ngjyrë blu të zbehtë, që ngjason me atë që Melania Trump kishte veshur në betimin e Donald Trump në 2017-ën.
Statuja ishte e gdhendur me një sharrë elektrike nga artisti popullor vendas Ales Zupevc duke përdorur dru lisi.
Në janar, një statujë e madhe prej druri që i ngjan Donald Trump, e krijuar nga një artist vendas vitin e kaluar, u dogj në qytetin e Sllovenisë, Moravce, në lindje të kryeqytetit të Ljubljanës./ Opinion.al
