India ka kaluar Rusinë si vendi me numrin e tretë më të lartë të rasteve të koronavirusit në botë.
Ministria e shëndetësisë raportoi 23,000 raste të reja të hënën, duke çuar numrin e përgjithshëm të Indisë në 697,000 dhe pothuajse 20,000 vdekje. Të Dielën India raportoi gati 25,000 raste, dita e saj me më shumë raste të reja.
Shtimi i rasteve e kaloi India para Rusisë si vendi i tretë me më shumë raste në botë pas Brazilit me 1.6 milionë raste dhe Shtetet e Bashkuara me 2.88 milionë.
Zyrtarët e qeverisë kanë frikë se kryeqyteti, New Delhi, me popullsi 25 milionë banorë, mund të regjistrojë më shumë se gjysmë milioni raste deri në fund të muajit.
Një bllokim i rreptë në vend që nga fundi i marsit është lehtësuar gradualisht, duke lejuar shumicën e aktiviteteve pasi ekonomia pësoi rënie të thellë gjatë mbylljes.
Shkollat, trenat e metrotë në qytete, kinematë, palestrat dhe pishinat mbeten të mbyllura dhe fluturimet ndërkombëtare janë akoma të ndaluara. Autoritetet kanë bërë të detyrueshme maskat në vende publike, ndërsa tubimet e mëdha janë të ndaluara dhe dyqanet dhe institucionet e tjera publike kërkohet të zbatojnë distancimin fizik. /Opinion.al
