Në një studim që ende nuk është publikuar në revistat shkencore, studiuesit raportojnë se gjurmë të koronavirusit në ujërat e zeza të Barcelonës janë gjetur në muajin Mars të vitit 2019. Megjithatë ekspertë të pavarur që e kanë analizuar studimin thonë se kanë dyshime mbi këtë argument, shkruan New York Times.
Studimi në fjalë është kryer nga Universiteti i Barcelonës ku bëjnë pjesë studiues të grupit të viruseve: Gemma Chavarria-Miró, Eduard Anfruns-Estrada dhe Susana Guix, të udhëhequr nga Rosa Maria Pintó dhe Albert Bosch, si pjesë e projektit të mbikëqyrjes të SARS -CoV-2 .
Studiuesit, pasi analizuan mostrat e ngrira nga periudha midis janarit 2018 dhe dhjetorit 2019 gjetën gjenomet Covid në mostrat e marsit të vitit 2019, kur akoma askund në botë nuk flitej për koronavirusin. Një tjetër mënyrë për të konfirmuar vërtetësinë e këtij studimi, është kryerja e analizave të gjakut të konservuar nga pacientë që kanë qenë të shtruar në spitalet e Barcelonës në këtë periudhë./Opinion.al
