Mqedonia e Veriut ka vendosur hapjen e të gjithë kufijve të saj tokësorë, përfshi edhe Shqipërinë, pa qenë nevoja e kryerjes së testit dhe pa karantinë.
Sikurse raporton “Klan Macedonia” kufiri më i frekuentuar nga qytetarët e vendit, është pikërisht kufiri i Bllacës, i cili e lidh vendin me Kosovën, por edhe me Shqipërinë. Vetëm në 12 orët e para pas hapjes, këtë pikë kufitare, e kanë kaluar mbi 4000 persona, ndërsa pritet një rritje e fluksit të lëvizjes gjatë fundjavës. Edhe pse numri i të infektuarve dukshëm është rritur, Qeveria po vazhdon me relaksimin e masave shtrënguese. /Opinion.al
