Bashkëkryetarja e Komisionit të Reformës Zgjedhore, Rudina Hajdari ka bojkotuar tryezën e Këshillit Politik.
Ajo deklaroi se përfaqësuesit e partive politike po diskutojnë mbi tenderin për aplikimit të sistemit biometrik gjë që sipas saj nuk është temë në interes të qytetarëve.
“Mbledhja nuk ka përfunduar akoma por kemi gati dy orë që shpenzojmë për tenderin e identifikimit biometrik. Nuk kam ardhur të merrem me tendera por për të përfaqësuar atë frymë për të ndryshuar sistemin zgjedhor që i duan sot shqiptarët. . Është e pamundur të mendosh që unë të ulem orë pas ore për gjëra që nuk kanë rëndësi, për të diskutuar se kush do të marrë tenderin biometrik. Ne folëm për ato pika që kanë të bëjnë me marrëveshjen. Kam një synim që është ndryshimi i sistemit dhe nuk mund të rri në një këshill ku bisedohet për çështje që nuk kanë të bëjnë me qytetarin. Reforma zgjedhore do të bëhet dhe do të kalohet në kuvend. Rëndësi do të ketë zbatimi i saj. Këta mundohen të fusin në ligj tenderin për sistemin biometrik, ta bëjmë me shpallje apo pa shpallje. Vendosa të dal nga ajo tryezë dhe të merrem me punë më të rëndësishme.”
Këshilli Politik pritet të dalë nga mbledhja e sotme me një draft përfundimtar sa i takon Reformës Zgjedhore. /Opinion.al
