Qeveria e Kosovës ka vendosur hapjen e pikave të tjera kufitare tokësore. Ministri i Shëndetësisë, Armend Zemaj, njoftoi se vendimi hyn në fuqi më 22 të këtij muaji.
“Përgatitjet janë intensive. Edhe sot, manuali do t’iu shpërndahet të gjitha institucioneve. Manuali është i gatshëm dhe do të mbikëqyret rreptësisht, t’iu ofrojmë qytetarëve, sidomos atyre që i frekuentojnë këto pika lëvizje të lirë”, ka thënë Zemaj.
Pikat kufitare që do hapen prej 22 qershorit janë pikat kufitare Qafë-Morinë, Muçibabë dhe Mutivodë.
Ministria e Shëndetësisë ka paralajmëruar se do të publikojë sot një manual për mbrojtjen nga përhapja e mëtejshme e koronavirusit.
Që prej shfaqjes së rasteve të para me koronavirus në Kosovë më 13 mars, deri më tani janë regjistruar 1,486 raste. Prej tyre janë shëruar 953 persona, ndërkaq 32 pacientë kanë humbur jetën./Opinion.al
