Një aksident është regjistruar mëngjesin e sotëm në Vlorë. Mësohet se një automjet tip ”Range Rover” me targa Aa 019 ZV, ka përplasur një motoçikletë e cila drejtohej nga një 70-vjeçar.
Aksidenti ka ndodhur rreth orës 08:00 pranë vendit të quajtur ”Rrethrrotullimi i Skelës”. Drejtuesi i motoçikletës ka marrë dëmtime në trup dhe gjymtyrë dhe është dërguar me urgjencë në spital. Fatmirësisht ai ndodhet jashtë rrezikut për jetën.
Policia ndodhet në vendngjarje dhe po punon për zbardhjen e plotë të rrethanave të ngjarjes./ Opinion.al
