“Dua të falenderoj përzemërsisht Ambasadën Amerikane që u ngujua sot në këtë ndërtesë dhe nuk ndaloi deri në momentin e fundit për t’i dhënë zgjidhje. Dhe këtë radhë partitë politike dështuan sepse interesat e tyre janë të ngushta e vetjake, thjesht për t’u shërbyer kryetarëve dhe bizneseve të tyre. Përse mendoni ju që vjen Ambasada Amerikane për të negociuar me këta njerëz këtë reformë? Dhe këta sot dhe një herë ja mbyllën derën dhe shqiptarëve dhe Ambasadës. I thanë që nuk janë gati për marrëveshje. Vunë një datë që ishte 31 Maji, por në mometin e fundit u tërhoqën. Koha t’i tregojë të gjitha”, tha Hajdari.
E pyetur se si është zhvilluar takimi me përfaqësuesin e Ambasadës Amerikane, Hajdari tha:
“U takua me Gjiknurin dhe Bylykbashin, pastaj u takua me mua personalisht, pastaj u takuam të katërt. Petriti shkoi bëri një xhiro aty. I dhanë fjalën përfundimtare Ambasadës Amerikane dhe pastaj ranë dakord që nuk janë dakord. I thanë që sot do biem dakord. Edhe dje Ambasada Amerikane ishte këtu, bashkë me delegacionin e BE. Nuk kemi ndryshim sistemi, por ne do vazhdojmë dhe do futemi në lojë. Dhe nuk dorëzohemi nga ndryshimi i sistemit”, tha Hajdari./Opinion.al
