Dikur ka qenë pjesë e një kompleksi dhe më pas është hequr. Kështu ka bërë më dije Gjegj Bojaxhi në emisionin “Opinion”, ndërsa tha se bashkia ka përfituar nga një masakarallëk për të mbërritur në prishjen e teatrit.
Bojaxhi, ka kërkuar të verifikohet edhe uebi zyrtar i Institutit të Monumenteve të Kulturës, që në fakt aktualisht është jashtë funksionit, pikërisht për faktin se është hequr lista.
Bojaxhi: Nuk ka asnjë vend ku një objekt është monument kulture apo pjesë e një kompleksi dhe ikën, është tmerruese me thënë të drejtën.
Fevziu: Në rregullat botërore nuk riklasifikohne monumentet e kulturës?
Bojaxhi: Riklasifikohen, por jo të hiqen. Një objekt që është monument kulture, me kalimin e kohës vlera i shtohet. Bashkia ka përfituar nga një masakarallëk dhe sidomos me Mierela Kumbaron ka filluar procesi i heqjes së monumenteve nga lista.
Ju sugjeroj dhe regjisë të kërkojë faqen e internetit të Institutit të Monumenteve të Kulturës, nuk kanë për ta gjetur, nuk ka një listë është hequr lista.
Fevziu: Ka një faqe ueb?
Bojaxhi: Duhet ta kishte, por nuk ka sepse kanë hequr listën. Dhe vetëm vitet e fundit në Tiranë janë hequr me dhjetra objekte që kanë qenë monumente kulture. Këtu po shkatërrohet trashëgimia për të bërë objekte komerciale.
Më tej, duke replikuar me Arbian Mazniku, zv.kryetarin e bashkisë së Tiranës, Gjergj Bojaxhi tha se obbjektet hiqen jo se ka një specialist që ka këllqe ta heqi, por se ka interesa mbrapa. /Opinion.al
