Kryeministri Edi Rama deklaroi se shembja e Teatrit Kombëtar ishte një lëvizje e vonuar nga ana e qeverisë.
Ai theksoi se ishte koha për të bërë këtë veprim, ndërsa shtoi se godina e teatrit u uzurpua për 2 vite e gjysëm.
“Shembja e teatrit, një lëvizje e vonuar. Ishte koha për ta bërë këtë veprim. Godina e teatrit u uzurpua për 2 vjet e gjysmë Kështu siç rrodhën gjerat, mori për ters, edhe për shumë media që kaluan pa filtra shpifje dhe baltë, nuk kishte mundësi që ne të ktheheshim mbrapa”, tha Rama në një intervistë për ‘News24’.
Po ashtu kryeministri sqaroi pse u shemb teatri në 4:30 të mëngjesit.
“Pse jo në 4:30 të mëngjesit? Ju më bëni të gjitha pyetjet që ju keni, apo që keni marrë nga qytetarët por të mos humbasim kohë me çfarë thotë opozita. Unë s’kam dalë për të thënë kështu apo ashtu por t’iu jap përgjigje shqetësimeve genuine të njerëzve. Policia ka për detyrë të zgjedhë metodën, kohën se si operon por logjika e thjeshtë ta do që në 4;30 ka më pak mundësi për t’u përplasur me njerëz të investuar për të krijuar përplasje, që aktrojnë si të dhunuar, si të goditur në të drejtat e tyre ndërkohë që janë dhunuesit, shkelësit shembullorë të të drejtës së gjithë të tjerëve. Nuk e di si mund të justifikohet uzurpimi i një godine publike për të bërë rezistencë ndaj rejgimit. Nuk e di se ku ndodh kjo?!”, u shpreh Rama./Opinion.al
