Kreu i Partisë Demokratike komentoi dy gjobat e vendosura ndaj tij për shkak se nuk ka respektuar masat e distancimit social në kohë koronavirusi si dhe heqjen e patentës.
Basha i konsideroi masat ndaj tij thjesht hakmarrje pasi ka respektuar rregullat e Covid-19, ndërsa shtoi me ironi se ka 6 patenta.
“Është thjesht hakmarrje, pasi kam respektuar një më një rregullat e Covid-19. Të jeni të sigurt se mua nuk më bën pis dikush që ka marrë namin tashmë si kreu i një qeverie të delegjitimuar. Unë kam 6 patenta.”, u shpreh kryedemokrati për News 24.
Kujtojmë se ditën e djeshme Policia e Tiranës njoftoi se kishte gjobitur dhe iu kishte hequr patentat 40 qytetarëve të cilët protestuan pranë godinës së Teatrit Kombëtar. Mes tyre ishte edhe kryetari i Partisë Demokratike, Lulzim Basha.
Kreu i PD-së, u gjobit edhe më herët, pas një takimi në Kavajë me disa përfaqësues biznesesh./Opinion.al
