Europianët po pyesin vazhdimisht: A mund të shkojmë me pushime këtë verë? Dhe, nëse po, ku?
Frika midis qeverive, është se lëvizja në rritje e njerëzve do të shkaktojë një valë të re infeksionesh. Por një studim nga Spanja mendon se mund të kenë gjetur një zgjidhje.
Studimi sugjeron që e gjithë Europa të planifikojë rajonet e saj më të rrezikuara (zonat e kuqe) dhe me më pak rrezik (zonat e gjelbërta) që njerëzit të mund të udhëtojnë në përputhje me rrethanat.
Sistemi do të lejojë, për shembull, udhëtimin midis Italisë jugore dhe Francës jugore, ose mes Greqisë dhe Zvicrës: për sa kohë që vini nga një zonë e gjelbër europiane, do t’ju lejohet të udhëtoni në një tjetër.
Zonat e gjelbra kombëtare “janë kandidatë shumë të mirë për marrjen e etiketës së gjelbër nga BE,”- shpjegoi studiuesi Miquel Oliu Barton, i cili bashkëautor i studimit.
Për të marrë etiketën e gjelbër, tha Oliu Barton, një rajon duhet të provojë që virusi është nën kontroll: që spitalet e rajonit nuk janë të tejmbushur, se shkalla e rritjes së infeksioneve të reja është e ulët dhe se testet janë përgjithësuar.
Studiuesi sugjeroi që daljet në autostradë mund të mbeten të mbyllura në zonat e kuqe.
“E njëjta gjë duhet të vlejë edhe për trenin: që vjen nga zonat e gjelbërta, nuk duhet të ndalet në stacionet e kuqe”,-shtoi ai.
“Dhe në aeroporte, është relativisht e lehtë të kontrollosh se nga vjen dikush dhe ku dëshiron të shkojë.”
Një masë tjetër që studimi propozon është që udhëtarët të paraqesin një leje qëndrimi si dëshmi se ata vijnë nga një zonë e gjelbër.
“Ideja është e thjeshtë: lejimi i lëvizjes së njerëzve midis ‘zonave të gjelbërta’ të vendeve të ndryshme europiane, përmes një rrjeti të certifikuar nga institucionet europiane”, thuhet në studim.
Propozohet që dhe vendet në Shengen por jo në Europë, t’i bashkohen këtij rrjeti udhëtimi./Opinion.al
