Aeroporti i Vjenës njoftoi se duke nisur nga data 4 Maj, do të ofrojë mundësinë e testimit për koronavirusin, që synon t’u mundësojë pasagjerëve hyrës të mos karantinohen për 14 ditë.
Testimi në aeroport, kushton 190 euro, dhe mund ta bëjnë edhe udhëtarët që largohen nga Vjena. Rezultatet do të jenë gati për dy deri në tre orë.
Deri më tani personat që futeshin në Austri duhet të posedonin një certifikatë shëndetësore, ku tregohej se nuk janë të infektuar me COVID-19. Në të kundërt, ata ishin të detyruar të izolohen për 14 ditë.
Austria ka regjistruar 598 viktima dhe 15.526 raste me koronavirusi. Megjithatë, vendi ka filluar lehtësimin e masave të izolimit duke lejuar hapjen e disa llojeve të biznesve./Opinion.al
