Kina ka fshehur apo shkatërruar me dashje provat e epidemisë së koronavirusit, në fazën e parë të përhapjes së pandemisë.
Në këtë përfundim del një raport i aleancës së inteligjencës “Five Eyes”, ku bën pjesë Britania e Madhe, Shtetet e Bashkuara të Amerikës, Kanadaja, Australia dhe Zelanda e Re.
Sipas raportit, kjo sjellje e qeverisë kineze ishte një sulm ndaj transparencës ndërkombëtare duke u kushtuar jetën dhjetra mijëra njerëzve dhe që ka vendosur në rrezik vende të shumta.
Dokumenti liston se fillimisht Pekini ka fshehur apo shkatërruar prova të Covid-19. Vendi mohoi transmetimin e virusit nga njeriu tek njeriu, heshti apo zhduku mjekë që paralajmëronin për rrezikun real, u mohoi shkencëtarëve të huaj kampionë të virusit dhe në fund bllokoi aksesin e organizatave ndërkombëtare në Ëuhan, epiqendër e përhapjes së koronavirusit të ri.
Sipas raportit të inteligjencave të 5 shteteve, po ashtu, emra të rëndësishëm të laboratorit të virologjisë së qytetit kinez, në të shkuarën kanë punuar apo janë trajnuar në laboratorë të qeverisë australiane, ku kanë kryer kërkime për viruse në lakuriqë nate, duke tentuar që të arrinin si rezultat koronavirusë të pakurueshëm.
Megjithatë, sipas medias britanike “The Independent” thekson se raporti nuk shfaq asnjë provë që të vërtetojë nëse Covid-19 ka lindur apo në një laborator./Opinion.al
