Heqja e tarifës, Serbia ka eksportuar në Kosovë rreth 12 mln euro mallra

Që nga fillimi i muajit Prill, Serbia ka eksportuar rreth 12 milionë euro mallra në Kosovë.

Dogana e Kosovës ka bërë të ditur se 1497 dërgesa kanë ardhur nga Serbia në Kosovë që nga data 1 prill, kur edhe filloi së zbatuari masa e reciprocitetit e vendosur nga qeveria në detyrë.

“Kurse nga Kosova në Serbi janë eksportuar mallra në vlerë rreth 800 mijë euro. Dominon industria ushqimore, si dhe ajo kimike në import, derisa në eksport janë disa produkte bimore dhe industri ndërtimore”, thuhet në përgjigje.

Në fillim të muajit prill, Qeveria në detyrë e Kosovës ka zëvendësuar tarifën 100 për qind për produktet serbe, të vendosur nga qeveria e kaluar në nëntor të vitit 2018, duke futur gradualisht masat e reciprocitetit./Opinion.al