Ministria e jashtme e Kinës ka mohuar pretendimet se Pekini po përhap dezinformimin në lidhje me koronavirusin pas një raporti të Bashkimit Evropian që thoshte se kishte “prova domethënëse” të operacioneve të fshehta kineze në mediat sociale, raporton Reuters.
“Kina është kundër krijimit dhe përhapjes së dezinformatave nga kushdo. Kina është viktimë e dezinformimit dhe jo një iniciator, “tha zëdhënësi i ministrisë së jashtme Geng Shuang në një konferencë të për shtyp të hënën.
Raporti i politikës së jashtme të BE tha se qeveritë e mbështetura nga shteti përfshirë Kinën dhe Rusinë ishin përgjegjëse për përhapjen e informacionit të rremë në lidhje me virusin.
Reuters më parë raportoi se zyrtarë të lartë kinezë ushtruan presion në BE për të hequr kritikat nga raporti javën e kaluar, duke deklaruar se kjo do ta “zemëronte shumë” Pekinin.
Kina ka mbrojtur mënyrën se ajo e trajtoi situatën e koronavirus pavarësisht thirrjeve nga disa vende për të filluar një hetim të pavarur mbi virusin dhe burimin e tij.
Zëdhënësi i ministrisë së jashtme kineze tha se nuk kishte prova përfundimtare se virusi kishte origjinën në Kinë dhe paralajmëroi që “manovrimi politik” i thirrjeve për një hetim të pavarur nuk do të ishte i suksesshëm.
Ai gjithashtu u komentoi mbi pretendimet e Donald Trump se Kina ka fshehur përmasën e vërtetë të pandemisë së koronavirusit në vendin e saj. Ai tha se Trump po përpiqej të zhvendoste fajin për dështimet e tij. /Opinion.al
#FMsays Amid domestic questions about whether the US government is coping with #COVID_19 effectively, Foreign Ministry spokesman Geng Shuang asked “are the US government hiding something? Why are they in a hurry to shift blame to other countries and international organizations?” pic.twitter.com/a7Swl3pYBr
— China Daily (@ChinaDaily) April 27, 2020
