Që prej fillimit të shpërthimit të pandemisë së koronavirusit, Partia Demokratike ka kërkuar në mënyrë të përsëritur mbylljen e fasonerive dhe bizneseve të tjera ku mblidhen shumë punëtorë.
Ky propozim është refuzuar nga qeveria me argumentimin se në fasoneri janë marrë masat e distancimit social dhe se motori ekonomik i vendit nuk duhet të ndalet. Megjithatë gjatë tre ditëve të fundit Kruja dhe Laçi kanë parë një rritje drastike të rasteve me COVID-19 të cilat janë përhapur nëpërmjet punonjësve të fasonerive.
Nga ambjentet e jashtme të një fasonerie në Krujë, ish-deputetet e PD, Albana Vokshi dhe Oriola Pampuri kanë denoncuar përhapjen e koronavirusit nga qëndrimi hapur i fasonerive.
Jemi në Krujë pasi ajo që po ndodh me fabrikat në Krujë është një panoramë e denoncuar nga PD., prej 5-javësh mbyllja e të gjitha fasonerive jo vetëm në qytetin e Krujës por në të gjithë Shqipërinë. Shifrat e sotme tregojnë se vetëm në 3-ditët e fudnit kemi 40 të infektuar dhe në Laç 27 të infektuar. Nga informacionet që kemi është e qartë se ky nëmër i të prekurve nga fasoneritë mund të jetë shume herë më i madh. Rrethi i Krujës ka 20 fasoneri që vazhdojnë punën dhe janë kthyer në bomba me sahat. Edi Rama dhe pse i është kërkuar të mbyllë fasoneritë, ka refezuar që ti mbyllë ato. Ka refezuar që të paguajë 70 mijë punonjës së fasonerive, duke rrezikuar jo vetëm jetën e tyre por jetën e fëmijëve të tyre, të familjarëve, duke rrezikuar përhapje shumë e shpejtë e virusit. Është jetike që fasoneritë të mbyllen që sot, i bëjmë thirrje kryeministrit që fasoneritë të mbyllen në mënyrë urgjente dhe të bëhen testime për të gjithë punonjësit. Të bëjë pagesën e 70 punonjësve, të marra masa për mbështetjen e fasonerive, jo vetëm në Krujë por dhe në të gjithë Shqipërinë,’ përfundoi deklratën e saj Vokshi.
Për ish-deputeten Oriola Pampuri janë 5000 gra dhe vajza të punësuara, të cilat punojnë në kushte të vështira ku nuk respektohet distancimi social.
‘Janë 5000 gra dhe vajza të punësuara në këtë sektor. 60 gra dhe vajza janë prekur nga COVID-19, një numër katastrof. Këto ditë është folur për distancim social, distancim fizik por në këto fasoneri ky standart nuk është përmbushur,për shkak të ambinetev të vogla megjithë përkushtimin e pronarëve. Rama punon me 2 standarte nga njëra anë ministret dhe deputet punojnë online, ndërsa gratë që përballen me stresin nga prekja e COVID-19 që punojnë në fasoneri i detyron që të shkojnë në punë. Rama të lër një aferë më pak dhe një vjedhje më pak dhe të ndihmojë këto vajza dhe gra. Është shtresa e paguar më pak dhe Rama nuk do që t’ia dijë për këtë shtresë të pambrojtur.’. /Opinion.al
