Në një njoftim në Facebook, Unioni i Këshillave Studentorë, njofton se i ka dërguar një letër të hapur Ministrisë së Arsimit, ku mes të tjerave i kërkon përgjysmim të tarifave shkollore.
Unioni shkruan se duke u bazuar dhe në pyetësorin e realizuar më parë prej tyre, një nga problemet më delikate të shprehur nga studentët ishte pamundësia e pagesës së tarifës shkollore.
Sipas tyre, situata aktuale mjaft e vështirë ka prekur çdo hallkë të ekonomisë, ku më në vështirësi janë gjendur familjet shqiptare ku ka studentë.
Ndaj ata kërkojnë përgjysmimin e detyrimeve të tarifave të shkollimit për të gjithë studentët për vitin akademik 2019-2020 dhe përgjysmimin e detyrimeve të strehimit për studentët që jetojnë në konvikte./Opinion.al
