Për shkak të emergjencës shëndetësore të koronavirusit, Meksika ka ndaluar prodhimin e birrës Corona, deri më 30 prill.
Kompania prodhuese lajmëroi se vendimi erdhi në zbatim të masave të qeverisë meksikane.
Meksika deri më tani numëron 1500 raste infektimi dhe 50 vdekje, por ka vendosur të mbyllë të gjitha bizneset jo të domosdoshme, dhe ka lejuar funksionimin e agrobizneseve.
Që pas shpërthimit të koronavirusit, birra Corona ka qënë objekti kryesor i memeve e lajmeve në internet.
Sakaq, virusi i ri respirator i ka kushtuar miliona dollara humbje kompanisë “Anheuser-Busch InBev”, që prodhon birrën e famshme “Corona”. Vetëm në 2 muajt e para të vitit 2020, kompania raporton humbjet më të mëdha të 10-vjeçarit, në Kinë, ku në fakt kjo markë kishte edhe tregun më të madh.
Po ashtu një sondazh realizuar nga “5W Public Relations” dhe botuar në CNN theksohet se, 38% e amerikanëve kanë thënë se nuk do të blinin kurrë një “Corona” për shkak të përhapjes së koronavirusit, ndërsa 14% të tjerë kanë thënë se nuk do ta porosisnin kurrë në publik.
Sipas “USA Today”, në Shtetet e Bashkuara të Amerikës, kërkimet me fjalët: “Corona beer virus” dhe “beer virus” apo kërkime të tjera të ngjashme u rritën me 1050 përqind./Opinion.al
