Kreu i opozitës, Lulzim Basha ka kërkuar transparencë për kapacitetet testuese të Shqipërisë për COVID-19.
Në një video-konferencë për mediat, Basha tha se “kjo nuk është koha për një debat politik për të treuar përgjegjësin për masat e vonuara” por ai i kërkoi qeverisë që të bëhet transparencë për testimet.
Ai iu referua vendeve të rajonit, Kosovës dhe Maqedonisë së Veriut ku janë bërë publike kapacitetet testuese.
“Nuk e dimë ende sa kapacitet ka vendi ynë për testime. Sipas ekspertëve kosto e testimit është 3-4 euro”, tha Basha.
“Mbetet urgjente ndryshimi radikal i strategjisë së testimit, përqindja e viktimave në raport me shifrat e konfimuara mbetet e lartë. I bëj thirrje qeverisë për rritjen drastike të numrit të testimeve dhe nisjen e sistemit të gjurmimt përmes pushtetit vendor. Pa këtë hap e gjithë sakrefica e bërë këto tre javë do të shkojë dëm. Duhet të identifikojmë të gjithë të infektuarit”, shtoi kreu i opozitës. /Opinion.al
