Banorët e Wuhanit mendojnë se numri i viktimave nga koronavirusi në provincë, është shumë herë me i lartë sesa është deklaruar nga autoritetet.
Duke njohur transparencën shpesh herë të diskutuar të regjimit kinez, dyshime mbi shifrat zyrtare ishin hedhur dhe më parë, por duket se tani ato kanë marrë “jetë” nga qytetarët, të cilët po shpërndajnë në forma të ndryshme, pamjet e asaj që po ndodh në Wuhan.
Foto dhe video rradhësh të gjata të familjarëve të viktimave të koronavirusit në një nga 7 pikat e shpërndarjes së hirit të tyre.
Autoritetet zyrtare kanë deklaruar se çdo pikë do të shpërndajë rreth 500 urna (enë ku mbahet hiri i të vdekurit) në ditë, çka do të thotë 3500 urna në ditë. Llogaritja matematikore tregon se shifrat kalojnë 42 mijë urnat vetëm në Wuhan.
Elementi më shqetësues mbetet fakti që kjo parashikohet të përsëritet për të paktën 12 ditë pasi agjencitë i kishin garantuar të afërmit e viktimave se do ta merrnin hirin përpara datës 5 Prill kur mbahet festivali Qing Ming, gjatë të cilit kinezët vizitojnë varret e paraardhësve të tyre.
Sakaq, burime pranë autoriteteve kanë rrëfyer se shumë persona kanë vdekur në shtëpi, pa iu referuar autoriteteve shëndetësore.
Këtë muaj vetëm në provincën e Hubeit ku Wuhani bën pjesë, janë zhvilluar rreth 28 mijë ceremoni mortore.
Ekspertët thonë se edhe duke marrë parasysh vdekjet natyrale ose ato të shkaktuara nga sëmundje të tjera, sërish shifrat duket sikur nuk përputhen me ato zyrtare./Opinion.al
