Hong Kongu, vendi që merrej si një shembull për tu ndjekur në luftën kundër përhapjes së koronavirusit, po përballet me valën e dytë të infeksionit nga koronavirusi.
Hong Kongu, arriti të ndalojnë përhapjen e Covid-19 në 7,5 milionë banorë me masa ndaluese si distancimi social, higjena personale, veshjet mbrojtëse, dhe gjurmim kontaktesh.
Por, koronavirusi u rikthye! Sipas ekspertëve kjo erdhi nga ulja e vëmendjes, heqja e masave ndaluese, dhe siguria se virusi u frenua.
Më 2 mars, punonjësit e administratës dhe punonjësit privatë u kthyen në punë. Në atë periudhë kishte vetëm 5 raste të konfirmuara në Hong Kong, pjesa më e madhe e ardhur nga vende të tjera. Numrat po uleshin edhe në Kinë dhe në zonën përrreth. Njerëzit filluan të dilnin sërish, të shkonin në restorante, bare, në park, të organizonin dasma dhe aktivitete të tjera sociale.
Kjo gjendje vazhdoi deri më 16 mars, kur numri i të infektuarve u dyfishua, dhe u bë e qartë se masat e rrepta duheshin vënë sërish në zbatim.
Sipas “CNN”, tani kushdo që hyn në Hong Kong duhet të qendrojë në karantinë për 14 ditë. Kushdo që hyn në qytet do të testohet pavarësisht se nga vjen.
Policia kufitare i vendos një byzylyk eletronik përmes të cilit monitoron lëvizjen, dhe nëse dikush e thyen karantinimin ai dënohet penalisht.
E gjithë administrata u kthye sërish në shtëpi, dhe bizneset private u mbyllën sërisht. Aeroporti u mbyll dhe tani nuk lejohen më as fluturimet tranzit./Opinion.al
